Turk kino olamidagi loyihalarning muvaffaqiyatli chiqishi ssenariyga, shu bilan birga aktyorlarning ijrosiga ham bog‘liq. Qaysidir aktyor tashqi ko‘rinishi bilan, boshqasi ijrosi bilan, yana qaysidir aktyor esa yaxshi loyihada suratga tushgani bilan muxlislar yodida qoladi. “Yandeks Dzen” nashri nafaqat Turkiyada, balki dunyo bo‘ylab mashhurlikka erishgan aktyorlar karyerasi davomida qanchalik o‘zgargani haqidagi ma’lumotlarni taqdim etdi.
Burak O‘zchivit
Burak O‘zchivit 2006-yilda o‘zining birinchi rolini “Minus 18” serialida ijro etdi, oradan 5 yil o‘tib afsonaviy “Muhtasham yuz yil” serialida suratga tushdi. Aktyor hozirga qadar 15 ta loyihada rol o‘ynagan. Burak O‘zchivit ishtirokidagi oxirgi loyiha 2023-yilda ekranlarga chiqqan “Usmon: Qurilish” seriali bo‘ldi.
Halit Ergench
Halit ilk marta 1994-yilda filmlarda suratga tusha boshlagan. Biroq u “Muhtasham yuz yil” (2011—2014-yillarda namoyish etilgan) filmida Sulton Sulaymon rolini ijro etganidan keyin haqiqiy yulduzga aylandi. Aktyor ishtirokidagi so‘nggi film 2021-yilda chiqqan.
Ali Ersan Duru
Ali o‘z faoliyatini 2011-yilda “Hayot davom etmoqda” serialida bosh rol bilan boshlagan. Oradan 7 yil o‘tib u mashhur “Qalbimning sultoni” serialida suratga tushdi. Aktyorning so‘nggi ishlari orasida 2022-yilda namoyish etilgan to‘liq metrajli “Munajjimlar bashorati” loyihasi bor.
Jan Yaman
2014-yilda Jan “Yurak ishlari” serialida suratga tushdi. 2018-yilda aktyor ishtirokidagi muvaffaqiyatli “Erta uchgan qush” loyihasi efirga uzatildi. Joriy yilda Jan ishtirokidagi “Turk” seriali ekranlarga chiqishi rejalashtirilgan.
Serkan Chayo‘g‘lu
2012-yilda namoyish etilgan “Kuzey Guney” Serkanning faoliyatidagi ilk serial bo‘ldi. 2 yildan so‘ng u “Gilos mavsumi” filmida bosh rolni o‘ynadi va yaqinda aktyor ishtirokidagi “Oregon” seriali chiqdi.
Kivanch Tatlitug‘
2005-yildan 2007-yilgacha Kivanch ishtirokidagi “Kumush” loyihasi efirga uzatildi, shundan so‘ng u “Taqiqlangan sevgi” serialida suratga tushdi. 2023-yilda aktyor bosh rolni ijro etgan “Istanbulga qilingan so‘nggi qo‘ng‘iroq” filmi ekranlarga chiqadi.
Engin Akyurek
2006-yilda ekranlarga chiqqan “Taqdir” loyihasi Enginning birinchi ishiga aylandi. Oradan 8 yil o‘tib u “Eylulning kichik muammosi” loyihasida rol o‘ynadi. Uning ishtirokidagi so‘nggi “Qochish” seriali 2023-yilda ekranlarga chiqdi.
Okan Yalabik
“Sarson” seriali (2003—2004-yillarda namoyish etilgan) Okan uchun kinodagi birinchi jiddiy loyihalardan biriga aylandi. Biroq ko‘plab tomoshabinlar uni “Muhtasham yuz yil” serialidagi Ibrohim roli orqali taniydi. Ushbu mashhur serialda u 2011-yildan 2012-yilgacha rol o‘ynagan. 2022-yilda chiqqan “Azizim” filmida Okan bosh rollardan birini o‘ynadi.
.jpg)
Tolga Saritash
2009-yilda Saritash karyerasidagi ilk serial — “Qora bulut”da suratga tushgan, 2013—2014-yillarda esa u “Muhtasham yuz yil” serialida rol ijro etgan. O‘tgan yili uning ishtirokidagi “Ota” seriali efirga uzatildi.
Aras Bulut Iynemli
Aras Bulut 2013—2014-yillarda “Muhtasham yuz yil” serialida suratga tushdi. 2023-yilda esa uning ishtirokidagi “Otaturk” nomli yangi serial ekranlarga chiqariladi.
Chag‘lar Ertug‘rul
Ertug‘rulning ekrandagi ilk chiqishi 2012-yilda “Tog‘” filmida bo‘lgan. Aktyor “Namoyish etilgan muhabbat” serialida suratga tushganidan keyin mashhurlikka erishdi. 2023-yilda uning ishtirokidagi “Magarsus” serialining ekranlarga chiqishi rejalashtirilgan.
Izoh (0)