Turkiya Bryusselda bo‘lib o‘tadigan muhim yig‘ilish oldidan agar Stokgolm Anqara bilan kelishuvlarni amalga oshirish bo‘yicha choralar ko‘rmasa, Shvetsiyaning NATOga a’zoligini ma’qullamasligini ma’lum qildi, deb xabar berdi TGRT Haber.
“Bugun Bryusselda NATO yetakchilari sammiti oldidan eng muhim yig‘ilish bo‘lib o‘tadi. Turkiya, Shvetsiya va Finlyandiya tashqi ishlar vazirlari va razvedka idoralari rahbarlari yuqori darajadagi uchrashuv o‘tkazadi.
Shvetsiya hozircha Turkiya kutayotgan qadamlarni tashlamadi. 1-iyun kuni Shvetsiya terrorizmga qarshi qaror qabul qilgan bo‘lsa-da, Stokgolm Anqara talabiga ko‘ra KIP va FETÖ terroristlarini (Turkiyada taqiqlangan Kurdiston Ishchilar partiyasi va Fathulloh Gulen tashkiloti) ekstraditsiya qilmadi. Turkiya agar Shvetsiya bu choralarni ko‘rmasa, mamlakatning NATOga a’zoligini ma’qullamasligini ochiq-oydin ma’lum qildi”, — deya ma'lum qildi TGRT Haber telekanali.
Uchrashuvda Turkiyadan tashqi ishlar vaziri Hakan Fidan, Milliy razvedka tashkiloti (MIT) rahbari Ibrohim Kalin va prezident maslahatchisi Akif Chag‘atay Kilich ishtirok etishi kutilmoqda.
Izoh (0)