Fransiya prezidenti Emmanuel Makron tartibsizlikka yo‘l qo‘ygan yoshlarning oilalariga moliyaviy jazo qo‘llash niyatida, deb xabar bermoqda France24.
“Birinchi qoidabuzarlikda biz oilalarni oddiy tarzda moddiy jazolashimiz kerak”, — dedi prezident jinoyatchilikka qarshi kurash bo‘yicha politsiya brigadasi vakillari bilan uchrashuvi chog‘ida.
"Birinchi bor tartibsizliklarda qatnashganlar uchun o‘ziga xos minimal tarif", - deb tushuntirdi Makron.
Davlat rahbari Fransiya shaharlarida bir necha kun davom etgan tartibsizliklardan so‘ng politsiya kuchlarini qo‘llab-quvvatlashini bildirdi.
Le Parisien nashriga ko‘ra, so‘nggi kunlardagiga nisbatan xotirjamlikka qaramay, Makron “hamma narsa tugaganiga” ishonmaydi.
“13 va 14-iyul kunlari (Fransiyada milliy bayram), shuningdek, yaqin oylarda nima bo‘lishini ko‘ramiz”, — dedi prezident huquq-tartibot kuchlarini maksimal shaylikda qolishga chaqirib.
Izoh (1)
хаммага аллақачон маълум гапларни ёзишдан нима наф.