Yaponiyalik olimlar innovatsion dorini ishlab chiqdi. Preparat odamlarda uchinchi marta tish chiqishiga imkon beradi. Klinik sinovlar kelgusi yilda boshlanadi.
Olimlar odamlarga yangi tish o‘stirish imkonini beruvchi dorini yaratishda muvaffaqiyatga erishdi. Tadqiqotlar shuni ko‘rsatadiki, insonda uchinchi marta tish chiqishi uchun zarur hamma narsa bor, ammo bu jarayonni USAG-1 oqsili bloklab qo‘yadi.
Takaxashi tadqiqot guruhi bunday oqsilni neytrallashtiruvchi antitanacha ishlab chiqdi. Dori sichqonlarga berilganda, ularda yangi tishlar paydo bo‘ldi.
“Yangi tishlarni o‘stirish g‘oyasi har bir stomatologning orzusidir. Men buning ustida aspirant paytimdan ishlaganman. Buni uddalay olishimga ishonchim komil edi”, — deydi Osakadagi Kitano tibbiyot instituti yetakchi tadqiqotchisi Katsu Takaxashi.
Preparatni insonda qo‘llashga tayyorlash ishlari olib borilmoqda. Uni birinchi bo‘lib tug‘ma omillar tufayli tishlaridan ayrilgan bemorlarga berish rejalashtirilgan. Tadqiqotchilarning ta’kidlashicha, kelajakda preparatni keng miqyosda qo‘llash mumkin bo‘ladi.
Izoh (0)