Япониялик олимлар инновацион дорини ишлаб чиқди. Препарат одамларда учинчи марта тиш чиқишига имкон беради. Клиник синовлар келгуси йилда бошланади.
Олимлар одамларга янги тиш ўстириш имконини берувчи дорини яратишда муваффақиятга эришди. Тадқиқотлар шуни кўрсатадики, инсонда учинчи марта тиш чиқиши учун зарур ҳамма нарса бор, аммо бу жараённи USAG-1 оқсили блоклаб қўяди.
Такахаши тадқиқот гуруҳи бундай оқсилни нейтраллаштирувчи антитанача ишлаб чиқди. Дори сичқонларга берилганда, уларда янги тишлар пайдо бўлди.
“Янги тишларни ўстириш ғояси ҳар бир стоматологнинг орзусидир. Мен бунинг устида аспирант пайтимдан ишлаганман. Буни уддалай олишимга ишончим комил эди”, — дейди Осакадаги Китано тиббиёт институти етакчи тадқиқотчиси Кацу Такахаши.
Препаратни инсонда қўллашга тайёрлаш ишлари олиб борилмоқда. Уни биринчи бўлиб туғма омиллар туфайли тишларидан айрилган беморларга бериш режалаштирилган. Тадқиқотчиларнинг таъкидлашича, келажакда препаратни кенг миқёсда қўллаш мумкин бўлади.
Изоҳ (0)