Yangi Zelandiya supermarketlardan barcha plastik paketlarni taqiqlagan dunyodagi birinchi davlatga aylandi. Qaror hukumatning plastmassaga qarshi kampaniyasining bir qismi bo‘lib, 1-iyuldan kuchga kirdi.
Taqiq bir marta ishlatiladigan paketlar va idishlarga taalluqlidir. Bu plastikning eng muammoli turlariga qarshi kurashda birinchi qadamdir. Vellington ikki yil ichida barcha PVX va polistirolli oziq-ovqat qadoqlarini taqiqlashi kutilmoqda.
Yangi Zelandiya Atrof-muhitni muhofaza qilish vazirligi ma’lumotlariga ko‘ra, har yili mamlakat aholisi o‘rtacha 60 kilogramm plastik chiqindilarni poligonlarga tashlaydi, biroq ularning hajmining atigi 5 foizi mamlakatda qayta ishlanadi. Yangi cheklovlar har yili 150 million plastik paketlardan xalos bo‘lish imkonini beradi, deb yozadi NZ Herald.
2019-yil iyul oyida Yangi Zelandiya hukumati xaridorlarga yirik plastik paketlardan foydalanishni taqiqlagandi. Atrof-muhit uchun xavfli mahsulotlar yetkazib berishda davom etayotgan korxonalarga 67 000 AQSH dollarigacha bo‘lgan katta jarimalar qo‘yildi.
Izoh (0)