Янги Зеландия супермаркетлардан барча пластик пакетларни тақиқлаган дунёдаги биринчи давлатга айланди. Қарор ҳукуматнинг пластмассага қарши кампаниясининг бир қисми бўлиб, 1 июлдан кучга кирди.
Тақиқ бир марта ишлатиладиган пакетлар ва идишларга тааллуқлидир. Бу пластикнинг энг муаммоли турларига қарши курашда биринчи қадамдир. Веллингтон икки йил ичида барча ПВX ва полистиролли озиқ-овқат қадоқларини тақиқлаши кутилмоқда.
Янги Зеландия Атроф-муҳитни муҳофаза қилиш вазирлиги маълумотларига кўра, ҳар йили мамлакат аҳолиси ўртача 60 килограмм пластик чиқиндиларни полигонларга ташлайди, бироқ уларнинг ҳажмининг атиги 5 фоизи мамлакатда қайта ишланади. Янги чекловлар ҳар йили 150 миллион пластик пакетлардан халос бўлиш имконини беради, деб ёзади NZ Herald.
2019 йил июль ойида Янги Зеландия ҳукумати харидорларга йирик пластик пакетлардан фойдаланишни тақиқлаганди. Атроф-муҳит учун хавфли маҳсулотлар етказиб беришда давом этаётган корхоналарга 67 000 АҚШ долларигача бўлган катта жарималар қўйилди.
Изоҳ (0)