Shanxayda anomal issiq havo kuzatilmoqda

Sinoptiklar seshanba kuni Xitoyning Shanxay shahrida “sariq” ogohlantirish darajasini e’lon qilishdi. So‘nggi kunlarda bu yerda haddan tashqari issiq havo kuzatildi.

Bir kun oldin shaharda havo harorati 35 darajaga yetdi, shahar atroflarida esa termometrlar bu belgidan oshib ketdi. Pudong va Minxan shaharlari “to‘q sariq” ogohlantirish darajasi deb e’lon qilindi. Soyada havo 37 darajagacha isishi kutilmoqda.

Mahalliy hokimiyat aholini ko‘chada kamroq yurishga chaqirdi. Ish beruvchilardan ish jarayonini tashkil etishda og‘ir ob-havo sharoitlarini hisobga olish so‘ralgan.

Shu bilan birga, Xitoy rasmiylari yaqin kunlarda mamlakatning aksariyat hududlari yomon ob-havo sharoiti ostida qolishidan ogohlantirdi. Seshanba kuni Xitoyning markazi va janubi-g‘arbida kuchli yomg‘ir sababli yuzaga kelishi mumkin bo‘lgan tabiiy ofatlar haqida ogohlantirish e’lon qilindi. Sinxua agentligining sinoptiklarga tayanib ma’lum qilishicha, iyul oyida mamlakat “ko‘plab tabiiy ofatlar, jumladan, suv toshqinlari, tayfunlar va yuqori haroratlarga duch keladi”.