Supermodel Naomi Kempbell ijtimoiy tarmoqlardagi sahifasida shaxsiy hayoti bilan bog‘liq xushxabarni e’lon qildi. Model ikkinchi marta ona bo‘ldi. Hozir 53 yoshda bo‘lgan Naomining ikkinchi farzandini surrogat ona dunyoga keltirgan. U hozircha chaqaloqning ismini sir saqlamoqda.
.jpg)
“Kichkintoyim, bilginki, seni o‘z tashrifing bilan mamnun qilganingdan buyon cheksiz qadrlaymiz va muhabbat bilan o‘ralgansan. Yaratganning haqiqiy tuhfasi muborak bo‘lsin. Bolajonim, xush kelibsan. Hech qachon ona bo‘lishga kech emas”, — deb izoh qoldirgan Naomi o‘zining shaxsiy sahifasida.
Ma’lumot uchun, Naomi Kempbell 1970-yilning 22-may sanasida Buyuk Britaniyada dunyoga kelgan. U 15 yoshidan podiumlarda ishlagan. Model Vogue, Time jurnallarining fransuz va ingliz nashrlari muqovasida paydo bo‘lgan birinchi qora tanli ayol hisoblanadi. Kempbell bolaligini Rimda o‘tkazgan, u yerda modelning onasi raqqosa bo‘lib ishlagan. Naomi Kempbell 2021-yilda ilk marta ona bo‘lgan. Supermodel hozirga qadar qizalog‘ini tarbiya qilayotgan edi.
Izoh (0)