O‘zbekiston Respublikasi Oliy Majlisi delegatsiyasi Jeneva shahrida “Parlamentlar va ayollar huquqi: xotin-qizlarga nisbatan kamsitishning barcha shakllariga barham berish to‘g‘risidagi Konvensiyasini bajarish, inson huquqlari Umumjahon deklaratsiyasini amalga oshirish” mavzusida o‘tkazilgan xalqaro davra suhbatida ishtirok etdi.
Tadbir Birlashgan Millatlar Tashkilotining Inson huquqlari bo‘yicha Oliy komissari boshqarmasi tomonidan Parlamentlararo ittifoq bilan hamkorlikda tashkil etildi.
Davra suhbati davomida Inson huquqlari umumjahon deklaratsiyasida nazarda tutilgan va ayollarga nisbatan kamsitishning barcha shakllariga barham berish to‘g‘risidagi hamda Konvensiyada mustahkamlangan xotin-qizlarning siyosiy hayotda ishtirok etish, munosib mehnat qilish va taʼlim olishda erkaklar bilan teng huquqliligini taʼminlashda parlamentning o‘rni masalalari muhokama qilindi.
Parlament faoliyati masalalari hamda milliy darajada yaratilgan imkoniyatlar bo‘yicha ilg‘or tajriba almashildi, shuningdek, 2023-yilning 11-12-dekabr kunlari o‘tkazilishi rejalashtirilayotgan “Inson huquqlari 75” oliy darajadagi tadbiriga kiritilishi nazarda tutilgan chora-tadbirlar rejasi ishlab chiqildi.
Tadbir yakunida BMT Inson huquqlari bo‘yicha Oliy komissari boshqarmasi va Parlamentlararo ittifoq tomonidan ishlab chiqilgan Ayollarga nisbatan kamsitishning barcha shakllariga barham berish to‘g‘risidagi Konvensiya bo‘yicha parlament aʼzolari uchun yo‘riqnomaning ikkinchi nashri taqdimoti bo‘lib o‘tdi.
Izoh (0)