Stomatolog tishlar uchun eng zararli ichimlik qaysi ekanini ma’lum qildi

Amerikalik stomatolog Dante Devoti shakarli gazlangan ichimliklar og‘iz bo‘shlig‘i va tishlar uchun eng zararli ichimlik ekanligini ta’kidladi, deb xabar beradi “Zakon.kz” nashri.

Stomatolog qayd etganidek, ko‘plab ichimliklar og‘iz bo‘shlig‘i mikroflorasiga salbiy ta’sir ko‘rsatadigan kislotalar va shakarning ko‘pligi tufayli tishlarga zarar yetkazadi, emalni yemiradi, deb yozadi DailyMail.

Ba’zi ichimliklar, jumladan, qahva, choy, spirtli ichimliklar, og‘izdagi kislota-asos muvozanatini buzadi. Bu bakteriyalarning ko‘paytiradi va buning uchun qulay muhit yaratadi. Bu turdagi ichimliklarning o‘zi zararli, lekin agar siz ularni asta-sekin ichsangiz, undan ham zararli.

So‘lak kislotalilikni asta-sekin neytrallaydi. Ammo og‘izdagi pH darajasini “himoya diapazoniga” keltirish uchun bir soatgacha vaqt ketishi mumkin.

Ammo sekinlik bilan ichiladigan choy va qahva tishlarning himoyasini shakarli gazlangan ichimliklar kabi yo‘q qilmaydi. Gazlangan ichimliklar aslida tishlaringiz uchun shirin kislotali vanna hosil qiladi. Shakar nafaqat pH darajasini pasaytiradi, balki “tishning chirish siklini yaratuvchi” zararli bakteriyalar uchun ham oziq-ovqat manbai hisoblanadi.

“Og‘iz bo‘shlig‘ining parvarishi borasida faqat tishlarni cho‘tka va iplar yordamida tozalash emas, balki ovqatlanish bilan bog‘liq barcha odatlar, masalan, kun davomida tez-tez gazak qilish yoki suyuqlik ichish tishlar salomatligiga qanday ta’sir qilishini anglashdan iborat“.

Chiroyli va sog‘lom tabassumni saqlab qolish uchun diyeta va foydali odatlarni muntazam bajarish kerak.