Saudiya Arabistoni hukumati tomonidan O‘zbekistondan borgan ziyoratchilarga yaratilgan sharoitlar haqida ma‘lumot berildi.
Ayni paytda Saudiya Arabistonida bo‘lib turgan ishchi guruh aʼzolari “Haj – 2023” mavsumida Makka va Madina shaharlarida ziyoratchilar uchun xizmat ko‘rsatayotgan mehmonxonalar ish olib borishmoqda. Shuningdek, Mino, Arafot, Muzdalifa manzillarida bo‘lib, u yerlardagi shart-sharoitlar bilan yaqindan tanishib, tashkiliy ishlarni amalga oshirmoqda.
Ziyoratchilar respublikaning 10 ta hududiy xalqaro aeroporti (Toshkent, Namangan, Farg‘ona, Qarshi, Termiz, Samarqand, Buxoro, Navoiy, Urganch, Nukus shaharlari) orqali hojilarni Madina shahriga tashish hamda Jidda shahridan O‘zbekistonga olib kelish ishlari amalga oshiriladi. O‘z navbatida Saudiya Arabistoni hukumati ham hojilarning haj amallarini emin-erkin, qulay tarzda bajarishlari uchun 32 mingdan ziyod sog‘liqni saqlash xodimi, 24 mingdan ortiq avtobusni shay holatga keltirgan. Mino vodiysida 2 million 192 ming km maydonda shinam chodirlar o‘rnatilgan.
O‘zbekistonlik hojilar uchun bu yerdan alohida chodirlar ajratilgan. Bahavo, keng va tekis hududda qad ko‘targan mazkur chodirlarning har biri yumshoq o‘rinlar, sovitkichlar bilan jihozlangan. Ozoda, saranjom-sarishta ushbu maskanda har qadamda salqin ichimliklar bilan to‘ldirilgan maxsus idishlarni ko‘rish mumkin.
Izoh (1)
2 млн