Саудия Арабистони ҳукумати томонидан Ўзбекистондан борган зиёратчиларга яратилган шароитлар ҳақида маълумот берилди.
Айни пайтда Саудия Арабистонида бўлиб турган ишчи гуруҳ аъзолари “Ҳаж – 2023” мавсумида Макка ва Мадина шаҳарларида зиёратчилар учун хизмат кўрсатаётган меҳмонхоналар иш олиб боришмоқда. Шунингдек, Мино, Арафот, Муздалифа манзилларида бўлиб, у ерлардаги шарт-шароитлар билан яқиндан танишиб, ташкилий ишларни амалга оширмоқда.
Зиёратчилар республиканинг 10 та ҳудудий халқаро аэропорти (Тошкент, Наманган, Фарғона, Қарши, Термиз, Самарқанд, Бухоро, Навоий, Урганч, Нукус шаҳарлари) орқали ҳожиларни Мадина шаҳрига ташиш ҳамда Жидда шаҳридан Ўзбекистонга олиб келиш ишлари амалга оширилади. Ўз навбатида Саудия Арабистони ҳукумати ҳам ҳожиларнинг ҳаж амалларини эмин-эркин, қулай тарзда бажаришлари учун 32 мингдан зиёд соғлиқни сақлаш ходими, 24 мингдан ортиқ автобусни шай ҳолатга келтирган. Мино водийсида 2 миллион 192 минг км майдонда шинам чодирлар ўрнатилган.
Ўзбекистонлик ҳожилар учун бу ердан алоҳида чодирлар ажратилган. Баҳаво, кенг ва текис ҳудудда қад кўтарган мазкур чодирларнинг ҳар бири юмшоқ ўринлар, совиткичлар билан жиҳозланган. Озода, саранжом-саришта ушбу масканда ҳар қадамда салқин ичимликлар билан тўлдирилган махсус идишларни кўриш мумкин.
Изоҳ (1)
2 млн