Chili hukumati bir qancha hududlarda suv toshqini tufayli favqulodda holat e’lon qildi. Bu haqda Chili Ichki ishlar va jamoat xavfsizligi vazirligi rahbari Karolina Toa Twitter’da ma’lum qildi.
“Biz minglab vatandoshlar va butun mamlakatimizga og‘ir kulfat keltirgan ushbu tabiiy ofatdan zarar ko‘rgan hududlarga safarbar etilganmiz. Har bir yurtdoshimizni o‘zini ehtiyot qilishga chaqiramiz. O‘z vaqtida evakuatsiya qilish — favqulodda vaziyatda odamlarning hayotini saqlab qolishning eng asosiy yo‘lidir”, — dedi u.
Oxirgi 30 yildagi eng katta hajmdagi suv toshqinlari kuchli yomg‘irlar tufayli sodir bo‘ldi, buning natijasida bir qancha daryolar toshib, atrofdagi hududlarni suv bosdi. Hozircha ma’lumotlarga ko‘ra, suv toshqinlari oqibatida uch kishi bedarak yo‘qolgan. 1000 dan ortiq odam vaqtinchalik yashash joylariga evakuatsiya qilingan.
Avvalroq Chilida 13 yildan beri davom etayotgan qurg‘oqchilik tufayli suvni har bir odamga cheklangan miqdorda tarqatish rejasi e’lon qilingan edi.
Izoh (0)