Кўплаб машҳурлар рақсга тушиш, қўшиқ айтиш ёки актёрлик истеъдодига эга бўлиши мумкин. Аммо машҳурлар орасида ўзининг яширин истеъдоди билан томошабинларни ҳайратда қолдирганлари ҳам бор. The Voice нашри машҳурларнинг яширин истеъдодлари ҳақида маълумот берди.
Марк Руффало бир ғилдиракли велосипедни бошқара олади
.jpg)
Марк Руффало учун оддий икки ғилдиракли велосипедда юриш қизиқ эмас, у бир ғилдиракли велосипедда бемалол ҳаракатлана олади. Томошабинлар актёрнинг ноёб маҳоратини телебошловчи Грем Нортон туфайли билиб олди. Кечки шоунинг эпизодларидан бирида у Руффалони тўғридан тўғри студияда цирк маҳоратини намойиш этишга таклиф қилди. Дастлаб Марк оддий велосипедни минишга тайёрланган, кейин эса ўзини цирк артисти сифатида тасаввур қилган ва бир ярим метрлик бир ғилдиракли велосипедда ҳаракатланган. Томошабинлар бу ҳолатдан ҳайрон қолиб, Руффалога зарар етмаганидан хурсанд бўлган.
Анжелина Жоли — пичоқ отиш
Баъзи актёрлар суратга олиш жараёнларига маҳорат билан тайёр ҳолда келади, баъзилари эса янги нарсаларни ўрганишади. Анжелина Жоли иккинчи гуруҳга тегишли машҳурлардан бири. Актриса “Лара Крофт: Daxма талончиси” фильми устида ишлаётганда, пичоқ отиш бўйича ўз истеъдодини очиб берди, у бу ишни жуда яхши бажарди. Ҳаттоки инсайдерлар Бред Питт рафиқаси билан бирга яшаганида, ундан қўрқишини айтган.
Жастин Бибер — кубик-рубик териш
Машҳур хонанда Жастин Бибер бу жумбоқни жуда тез ечади, у кубик-рубикни икки дақиқадан камроқ вақт ичида тера олади. Албатта, хонанда кубик-рубик териш бўйича жаҳон рекорди — 3,13 сонияни янгилай олмайди, бироқ бу ҳаваскор инсон учун жуда яхши натижа.
Кира Найтли тишлари билан куй чала олади
Ҳеч қандай консерваторияда тиш орқали куй чалиш ўргатилмайди. Актриса Кира Найтли Жимми Фаллон кўрсатувида тишлари билан хит бўлган Despacito қўшиғини куйлаб, томошабинларни ҳайратда қолдирди. 2020 йилда, пандемия пайтида Кира чолғу асбобларини ўрганишга кўп вақт ажратди.
Хейли Бибер идишларни тиши билан оча олади
Баъзи қизлар Хейлининг шиша идишларнинг қопқоғини тиши билан оча олишини кўрганида ҳайрон бўлишади. Жимми Феллон Хейлининг истеъдоди ҳақида билиб, ундан жонли эфир пайтида бир нечта шиша идишни очиб беришини сўраган. Модель унинг таклифига рози бўлиб, иккита идишни тиши билан очиб берган.
Кети Перри — бўйни билан қурбақа каби нафас олади
Кети Перрининг ноёб истеъдоди кўпчиликни ҳайрон қолдириши табиий. Хонанда кўп йиллардан бери American Idol шоусида ҳакамлар ҳайъати аъзоси сифатида иштирок этиб келади. У бир иштирокчи саҳнага чиққан пайтда бўйни билан қурбақа каби нафас олишини маълум қилди. Ҳеч ким Перри ўз қобилиятини студияда намойиш этишини кутмаган эди. Ҳакамлар ҳайъати аъзоси Лионель Ричи ҳатто унинг бўйнига тегиниб кўрган, бироқ қўрқиб тезда қўлини тортиб олган.
Кендалл Женнер — қушлар каби сайрай олади
Ким Кардашяннинг синглиси модель Кендалл Женнер “Шрек” мултфильмидаги малика Фиона сингари қушлардек сайрашни билади. Кендалл Женнер болалигидан қушлар тилини ўрганади, уларнинг овозини эслаб қолади ва булбул каби сайрай олади. У тошли ўрмоннинг ҳар бир бурчагини “жонлантира” олади. Бу эса орнитолог ва нейролингвистлар учун ҳақиқий топилма.
Пирс Броснан — оловни ютиш
Актёр Пирс Броснан экранлардаги Жеймс Бонд образидаги совуққонлиги билан мухлисларни ҳайратда қолдирди, шунингдек, у циркда олқишларга сазовор бўлиши ҳам мумкин эди. Пирс ўсмирлик чоғида оловни ютиш трюкини бажаришни ўрганди ва ҳатто цирк труппаси билан уч йил давомида гастролларда бўлди, охир-оқибат у ўз ҳаётини кино билан боғлашга қарор қилди.
Изоҳ (0)