Nodirjon Xolbo‘tayev (Jonuzoq) Vazirlar Mahkamasining Davlat tilini rivojlantirish departamenti mudiri lavozimiga tayinlandi. Bu haqda O‘zA xabar berdi.
Nodirjon Xolbo‘tayev 2019-yilning dekabridan O‘zbekiston yozuvchilari uyushmasi raisining birinchi o‘rinbosari bo‘lgan. 2022-yilning aprel oyi o‘rtalarida prezidentning yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisi o‘rinbosari lavozimiga tayinlangandi. O‘sha yilning dekabrida Yozuvchilar uyushmasi raisining ijodiy ishlar bo‘yicha birinchi o‘rinbosari lavozimiga qaytgandi.
Departament haqida
Vazirlar Mahkamasi tuzilmasida Davlat tilini rivojlantirish departamenti ilk bor 2021-yil 21-oktabrda tashkil etilgan. 2022-yilda departament Vazirlar Mahkamasining Ma’naviyat va davlat tilini rivojlantirish masalalari departamentiga aylantirilgan. Keyinchalik mazkur tuzilma prezidentning ma’muriy islohotlar to‘g‘risidagi farmoni bilan bekor qilingan. Farmondan 4 oy o‘tib, Davlat tilini rivojlantirish departamenti Vazirlar Mahkamasi tuzilmasida qayta tashkil etildi.
Izoh (0)