Нодиржон Холбўтаев (Жонузоқ) Вазирлар Маҳкамасининг Давлат тилини ривожлантириш департаменти мудири лавозимига тайинланди. Бу ҳақда ЎзА хабар берди.
Нодиржон Холбўтаев 2019 йилнинг декабридан Ўзбекистон ёзувчилари уюшмаси раисининг биринчи ўринбосари бўлган. 2022 йилнинг апрель ойи ўрталарида президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси ўринбосари лавозимига тайинланганди. Ўша йилнинг декабрида Ёзувчилар уюшмаси раисининг ижодий ишлар бўйича биринчи ўринбосари лавозимига қайтганди.
Департамент ҳақида
Вазирлар Маҳкамаси тузилмасида Давлат тилини ривожлантириш департаменти илк бор 2021 йил 21-октябрда ташкил этилган. 2022 йилда департамент Вазирлар Маҳкамасининг Маънавият ва давлат тилини ривожлантириш масалалари департаментига айлантирилган. Кейинчалик мазкур тузилма президентнинг маъмурий ислоҳотлар тўғрисидаги фармони билан бекор қилинган. Фармондан 4 ой ўтиб, Давлат тилини ривожлантириш департаменти Вазирлар Маҳкамаси тузилмасида қайта ташкил этилди.
Изоҳ (0)