Eronning Alborz viloyatida metanoldan zaharlanganlar soni 171 nafarga yetdi. Bu haqda viloyatning Tibbiyot universiteti dekani Shahram Sayyodiy xabar qildi.
“So‘nggi besh kun ichida tarkibida metanol bo‘lgan alkogoldan zaharlanganlar soni 171 kishiga yetdi”, — dedi Sayyodiy.
Bir kun avval viloyat huquq-tartibot kuchlari boshlig‘i general Hamid Xadavand zaharlanishga olib kelgan surrogat spirtli ichimliklar tarqatish holati bo‘yicha olti kishi qo‘lga olinganini ma’lum qilgandi.
Tergov ma’lumotlariga ko‘ra, alkogol mahsulot ishlab chiqaruvchilar tana uchun spreylar tayyorlaydigan zavoddan noqonuniy ravishda ifloslangan sanoat spirtini sotib olgan.
Huquq-tartibot idoralari xodimlari mazkur korxonadan 6,5 ming litr sanoat spirtini olib qo‘yib, zavodni muhrladi.
Shu yilning 6-iyun kuni Rossiyada 30 dan ortiq odam “Mister Sidr” ichimligidan zaharlanib, vafot etgani xabar qilingandi.
Izoh (0)