BRICS Bangladeshdan ittifoqqa kirish uchun arizani qabul qildi. Bu haqda Dhaka Tribune nashri xabar bermoqda.
Bangladesh Bosh vaziri Hasina Vazid tomonidan tashkilotga rasmiy murojaat yuborildi. Tashqi ishlar vaziri Abdul Mo‘minga ko‘ra, so‘rov BRICS’ning amaldagi raisi bo‘lgan Janubiy Afrika mamlakatiga yuborilgan.
“Mamlakatimiz tez orada BRICS’ga qo‘shilib, ushbu faol rivojlanayotgan hamjamiyatning bir qismiga aylanishiga umid bildiramiz”, — dedi Bangladesh Tashqi ishlar vaziri.
Ayni paytda Bangladesh “BRICS’ning do‘stlari” bo‘lgan mamlakatlar qatoriga kiradi, deb xabar berdi NSN.
17-iyun kuni Rossiya prezidenti matbuot kotibi Dmitriy Peskov bir qator davlatlar BRICS’ga qo‘shilish niyatini e’lon qilgani, assotsiatsiya a’zolari sonini kengaytirish masalasi avgust oyida bo‘lib o‘tadigan sammit kun tartibida bo‘lishini ma’lum qilgandi.
Izoh (0)