Футбол бўйича УЕФА Миллатлар Лигасида Нидерландия ва Италия терма жамоалари 18 июнь, якшанба куни учинчи ўрин учун ўзаро ўйин ўтказди.
Учрашувнинг 6-дақиқасида Федерико Димарко италияликларни олдинга олиб чиқди. 20-дақиқада Давиде Фраттези жамоасини иккинчи голини урди. 68-дақиқада Стевен Бергвейн орадаги фарқни қисқартирди.
72-дақиқада Федерико Кьеза Италиянинг учинчи голига муаллиф бўлди. Ўйин якунланиб бораётганда Жоржиньо Вейналдум ҳисобдаги фарқни яна биттага олиб келди, бироқ қолган вақтда ҳисоб ўзгаришсиз қолди.
Шу тариқа Италия терма жамоаси Миллатлар Лигаси бронза медалига эга чиқди.
Италянлар ярим финалда Испанияга енгилган (1:2) бўлса, Нидерландия терма жамоаси Хорватияга имкониятни бой берганди (2:4).
Хорватия ва Испания терма жамоалари ўртасидаги финал ўйини 18 июнь куни 23:45 да бошланади.
Миллатлар Лигаси
3-ўрин учун баҳс
18 июнь, якшанба
Нидерландия – Италия 2:3
Голлар: 0:1 – 6 Димарко, 0:2 – 20 Фраттези, 1:2 – 68 Бергвейн, 1:3 – 72 Кьеза, 2:3 – 89 Вейналдум.
Нидерландия: Бэйло, Думфрис, ван Дейк, Гертрюйда (Вейналдум, 46), Аке, де Ёнг, Ланг (Вегорст, 46), Виффер (Верман, 76), Симонс (Копмейнерс, 63), Гакпо, Мален (Бергвейн, 46).
Италия: Доннарумма, Толои, Ачерби, Буонжорно, Димарко (Спинаццола, 74), Верратти (Барелла, 85), Кристанте, Фраттези, Распадори (Кьеза, 63), Ретеги (Пеллегрини, 85), Нионто (Заниоло, 64).
Огоҳлантиришлар: Димарко (34), Барелла (90), Вегорст (90), Ачерби (90).
Изоҳ (0)