Россия давлат думаси депутати Михаил Шеремет АҚШ президенти Байденни даволаниш учун Қримга келишга таклиф қилди.
"Менимча, Қўшма Штатларда Байденни шунчаки масхара қилишади. Биз ундан жиддий хавотирдамиз. Ишончим комилки, унда тўпланган тажовуз сурункали безовталик билан боғлиқ бўлиб, америкалик тарғиботчилар буни яширишга қанчалик ҳаракат қилишмасин, телевизор экранларида яққол акс этади. Байден Қримга даволаниш учун келиши мумкин. Россияда тоза ҳаво, замонавий тиббий жиҳозлар ва энг яхши шифокорлар бор”, — деди Шеремет.
Унинг сўзларига кўра, АҚШ президентига катта ваколатлар берилган ва ядровий қуролга эга, шунинг учун бутун дунё унинг ақли расолигидан манфаатдор.
"Афсуски, Байденнинг атрофидагилар уни назорат қилиш мумкин бўлган қўғирчоқ сифатида ишлатишади. Бутун дунё манфаати учун пухта ўйланган қарорлар қабул қиладиган одамнинг ақли расо бўлиши керак. Бунинг учун даволаниш зарур. Аммо Байденнинг атрофидагилар бунга йўл қўймайди”, — деб таъкидлади депутат.
Изоҳ (0)