Футбол бўйича CAFA Nations Cup—2023 3-турида Эрон терма жамоаси 16 июнь, жума куни Қирғизистонга қарши баҳс олиб борди.
Учрашув эронликларнинг 5:1 ҳисобидаги ғалабаси билан якунланди. Эрон таркибида Меҳди Тареми ҳет-трик қайд этган бўлса, Сардор Азмун дубль муаллифига айланди. Рақиб жамоа таркибида эса Мирлан Мурзаев битта голни ўз ҳисобига ёздириб қўйди.
Шу тариқа Эрон B гуруҳида ғолибликни қўлга киритди ва финалга йўл олди. Ҳал қилувчи баҳсда форслар А гуруҳи ғолиблигини муддатидан аввал қўлга киритган Ўзбекистон терма жамоасига қарши ўйнайди. Учрашув 20 июнь куни 20:30 да старт олади.
CAFA Nations Cup—2023
3-тур баҳси
16 июнь, жума
Қирғизистон – Эрон 1:5
Голлар: 0:1 — 34 Меҳди Тареми, 0:2 — 39 Меҳди Тареми, 1:2 — 52 Мирлан Мурзаев, 1:3 — 56 Меҳди Тареми, 1:4 — 66 Сардор Азмун, 1:5 — 79 Сардор Азмун.
Қирғизистон: Коченков, Кичин, Браузман, Мурзаев, Абдураҳмонов, Мамиралиев, Алиқулов, Қайрат Жиргалбек ўғи, Атабаэв, Жумашев, Шукуров.
Эрон: Бейранванд, Ризаян, Пуралиганжи, Ҳуссайни, Нурафкан, Жаҳонбахш (Азмун, 62) Чашми, М.Карими, Тораби, Асади, Меҳди Тареми.
Изоҳ (0)