“Liverpul” hujumchisi Muhammad Saloh faoliyatini “PSJ”da davom ettirishi mumkin.
Get French Football News nashrining xabar qilishicha, Parij klubi prezidenti Nossir al-Helayfi 31 yoshli futbolchi bilan Marokashda uchrashgan. Ular Jahon Chempionatidan keyin muntazam suhbat qurib turadi, deyiladi xabarda.
“PSJ” rahbariyati Salohga jamoani tark etgan Lionel Messining o‘rinbosari sifatida qaramoqda. Biroq misrlik futbolchini olib kelish oson bo‘lmaydi.
Salohning “qizillar” bilan amaldagi shartnomasi 2025-yilning yoziga qadar mo‘ljallangan.
Ortda qolgan mavsum futbolchi APLda 38 ta o‘yin o‘tkazib, 19 gol va 12 ta golli uzatma muallifiga aylandi.
Avvalroq “PSJ” forvardi Kilian Mbappe 2024-yilning yozida tugaydigan amaldagi shartnomasini uzaytirmasligi haqida ma’lum qilgandi. Parij klubi ayni vaqtda unga xaridor qidirmoqda va bu yozda sotib yubormoqchi.
Izoh (0)