“Manchester Siti” bosh murabbiyi Xosep Gvardiola APL g‘olibligi uchun qo‘lga kiritgan mukofot pullarini klub xodimlariga berib yubordi.
Daily Mail nashrining xabar qilishicha, mutaxassis Premyer Liga g‘olibligi uchun qancha mukofot olgani noma’lum. Ayrim futbolchilarga klub 750 ming funtga qadar bo‘lgan bonus beradi va mutaxassisning mukofoti ham taxminan shu atrofida bo‘lishi mumkin.
Ispaniyalik murabbiy bu safar pulni klubning ko‘plab xodimlari bilan baham ko‘rishni istagan. Hatto qabul bo‘limi xodimlari va xavfsizlikka javobgar xodimlargacha mukofot taqsimlangan.
Joriy mavsum “shaharliklar”, shuningdek, Chempionlar Ligasi va Angliya Kubogida ham g‘alaba qozondi.
Qayd etish kerak, “Manchester Siti”da har bir xodim uchun, u futbolga to‘g‘ridan to‘g‘ri aloqador bo‘lmasa ham qo‘lga kiritilgan sovrinlar uchun ma’lum miqdorda mukofot puli beriladi.
Izoh (0)