“King Kong” filmidagi roli bilan ko‘pchilikka tanilgan Gollivud aktrisasi Naomi Uotts ilk marta turmushga chiqdi. Aktrisa Instagram’dagi sahifasiga turmush o‘rtog‘i bilan tushgan suratini joyladi.
Ma’lum bo‘lishicha, aktrisa Jennifer Eniston va Riz Uizerspun bilan birga “Tong shousi” teleserialida bosh rollardan birini ijro etgan aktyor Billi Krudup bilan besh yil munosabatda bo‘lgan.
Aktrisa oila qurishidan oldin 11 yil davomida Liv Shrayber bilan yashagan. Juftlikning Aleksandr va Shomuil ismli ikki o‘g‘li bor.
U oradan ko‘p o‘tmay o‘zining fotoblogiga Manxetten sud binosi zinapoyasida turmush o‘rtog‘i bilan tushgan suratini joylashtirdi. Aktrisa to‘yi kuni 7 400 dollarlik Oskar de la Renta oq gipurdan tikilgan gulli libosni kiygan. U sariq sochlarini bir chetga qaratib turmaklab, obrazini ochiq rangli tufli, olmosdan yasalgan taqinchoq va tilla uzuk bilan to‘ldirgan. Uning sevgilisi esa to‘q ko‘k rangli kostyum kiygan.
.jpg)
Ma’lumotlarga ko‘ra, mashhur juftlik katta ziyofat uyushtirmagan, ular bayramga faqat eng yaqin do‘stlari va qarindoshlarini taklif qilgan. Mehmonlar orasida aktyorlar Mark Ruffalo va uning rafiqasi, Sanrays Kogni, Lili Torn, Josh Xemilton ham bo‘lgan.
Izoh (0)