“Кинг Конг” фильмидаги роли билан кўпчиликка танилган Голливуд актрисаси Наоми Уоттс илк марта турмушга чиқди. Актриса Instagram’даги саҳифасига турмуш ўртоғи билан тушган суратини жойлади.
Маълум бўлишича, актриса Женнифер Энистон ва Риз Уизерспун билан бирга “Тонг шоуси” телесериалида бош роллардан бирини ижро этган актёр Билли Крудуп билан беш йил муносабатда бўлган.
Актриса оила қуришидан олдин 11 йил давомида Лив Шрайбер билан яшаган. Жуфтликнинг Александр ва Шомуил исмли икки ўғли бор.
У орадан кўп ўтмай ўзининг фотоблогига Манхеттен суд биноси зинапоясида турмуш ўртоғи билан тушган суратини жойлаштирди. Актриса тўйи куни 7 400 долларлик Oscar de la Renta оқ гипурдан тикилган гулли либосни кийган. У сариқ сочларини бир четга қаратиб турмаклаб, образини очиқ рангли туфли, олмосдан ясалган тақинчоқ ва тилла узук билан тўлдирган. Унинг севгилиси эса тўқ кўк рангли костюм кийган.
.jpg)
Маълумотларга кўра, машҳур жуфтлик катта зиёфат уюштирмаган, улар байрамга фақат энг яқин дўстлари ва қариндошларини таклиф қилган. Меҳмонлар орасида актёрлар Марк Руффало ва унинг рафиқаси, Санрайс Когни, Лили Торн, Жош Хэмилтон ҳам бўлган.
Изоҳ (0)