O‘rta asr mafiyasiga tegishli qarorgoh: Madonnaning 21 mln dollarlik uyiga sayohat (video)

“Ko‘l bo‘yidagi qasr” deb nomlangan mazkur yuz yillik turar joy Gollivud tarixining tom ma’nodagi timsolidir. Bu yerda neftchilar, banditlar va Gollivudning mashhur xonandasi Madonna yashagan.

Gollivud tepaliklarida joylashgan bu go‘zal manzarali qasrdan O‘rta Yer dengizi va Qora dengiz qirg‘oqlari bemalol ko‘rinib turadi. Qizil cherepitsali tom, pechak bilan qoplangan oq toshdevorlar, ko‘k yog‘och romli derazalar va hayratlanarli ko‘l manzaralari uyga o‘zgacha go‘zallik bag‘ishlaydi. Aslida Kastilyo del Lagoning Italiyaga hech qanday aloqasi yo‘q, bu yerda afsonaviy mafiya yashiringan degan mish-mishlardan tashqari.

O‘rta Yer dengizi uslubidagi saroy bu yerda mashhur HOLLYWOOD belgisi bilan deyarli bir vaqtning o‘zida 1920-yillarda paydo bo‘lgan. Qasrni neft savdosi bilan shug‘ullanadigan biznesmen Patrik Longdon o‘zi uchun qurdirgan. O‘sha yillarda Gollivud hududi hali unchalik mashhur emasdi — zilzila sodir bo‘lishi mumkin bo‘lgan hududdagi tik tepaliklarda qurish qiyin va qimmatga tushardi — u yerga mashinasiz borish juda qiyin edi. Patrik Longdon tufayli bu yerlar ham aholi yashaydigan joyga aylandi.

Aytishlaricha, o‘sha yillarda qasr afsonaviy mafiya boshlig‘i Bugsi Sigelning uyi bo‘lgan. Mish-mishlarga ko‘ra, u shu yerda noqonuniy bar ochib, taqiq bekor qilinganidan keyin yerosti kazinosi ham qurdirgan. Biroq bu tasdiqlangan ma’lumot emas. Ma'lumki, 1993-yilda qasrni Madonna sotib olgan — atigi uch yildan keyin xonanda ham uyni sotib yuboradi.

Nafis saroyda eman pollari va qo‘lda bo‘yalgan yog‘och shiftlar mavjud. Barcha qavatlardan o‘tib, Bundan tashqari, Gollivud yozuviga qaragan eng baland minoradagi mehmonlar yotoqxonasiga olib chiqadigan bir asrlik lift mavjud. Bu yerda vino saqlanadigan yerto‘la, atirgullar bog‘i, kinoteatr, basseyn, tosh favvoralar, tropik o‘simliklar o‘sgan ayvon va keng garaj mavjud.

Uydagi hamma narsa asrlar davomida xizmat qilishi uchun mustahkam qilib qurilgan: tosh devorlar, qadimgi mozaika elementlari bilan bezatilgan terakota plitalari; 7,5 metrli ustunlar ko‘tarib turgan shiftlar, fil oyog‘i qalinligidagi to‘sinlar, ispancha arklar, yog‘och panellar, buyurtma asosida temirdan yasalgan bezaklar, katta o‘lchamli kaminlar va antiqa mebellar shular jumlasidan. Asosiy mehmonxonadagi yog‘och shift va ikki qatorli nafis fransuz derazalarining kontrasti bilan o‘ziga jalb qiladi.

Asosiy yemakxonaning dekoratsiyasi juda oddiy: interyerning asosiy bezaklari yog‘och chuqurchalardan yasalganga o‘xshash shiftdir. Bunday shiftlar qadimgi Yunonistonda tomdagi cherepitsaning yukini kamaytirish uchun ixtiro qilingan. Keyinchalik Uyg‘onish davridagi Italiyada modaga qaytdi; shiftlar tilla suvi yugurtirilgan rasmlar bilan ham bezatilgan. Bunday hashamatli bezaklarni faqat eng badavlat odamlar qilishlari mumkin edi.

Xolldagi katta fransuz eshiklari verandaga ochiladi. U tropik o‘simliklar bilan to‘la; siz Los-Anjelesda emas, balki Ispaniyaga kelib qolganga o‘xshaysiz. Yuz yillik daraxtlar shu qadar gullab-yashnaganki, Kastilyo del Lago xuddi o‘rmon kabi sukunatga botgan.

Madonnaning mazkur uyida oilaviy nonushta qilish uchun norasmiy yemakxona ham bor. Qasrning ko‘p asrlik tarixiga qaramay, yemakxona orqasida joylashgan oshxona zamonaviy va bu yerda tayyorlanmaydigan taomning o‘zi yo‘q. Kutubxona poldan shiftgacha yog‘ochdan yasalgan; bu xonaning barcha bezaklari uyning birinchi egasi uchun maxsus buyurtma qilingan.

Uyda 9 ta yotoqxona bor, ularning har biri o‘ziga xos tarzda jihozlangan. Asosiy yotoqxona orqali Marokash uslubida qurilgan hammomga kirish mumkin, u shu qadar murakkab detallar bilan bezatilganki, har qanday zamonaviy dizaynerni hayratda qoldira oladi.

Uy qadimiy bo‘lsa-da, unda barcha zamonaviy qulayliklar mavjud: keng avtoturargoh, yopiq garaj, alohida oshxonaga ega ikkita xodimlar xonasi, termostatli vinoxona va terrasaga chiqish imkoniyatiga ega shaxsiy sport zali.