Favqulodda vaziyatlar vazirligi Qashqadaryo viloyati Qarshi shahrida joylashgan bozorda yuz bergan yong‘in yuzasidan ma’lumot berdi.
Qayd etilishicha, 7-iyun kuni soat 11:29 da Qarshi shahar “Yerqo‘rg‘on” bozori hududida joylashgan ikki qavatli do‘konning 2 qavatida yong‘in sodir bo‘layotgani to‘g‘risida shahar FV bo‘limiga xabar tushgan.
Shunga ko‘ra 5 ta yong‘in-qutqaruv ekipaji soat 11:41 da voqea joyiga yetib borib, yong‘in soat 11:55 da o‘rab olingan va saot 12:00 da o‘chirilgan. Shuningdek, qo‘shimcha ravishda 2 ta suv tashishga mo‘ljallangan transport vositasi jalb etilgan.
Dastalki maʼlumotlarga ko‘ra, yong‘in natijasida ikkinchi qavatda joylashgan do‘konning 210 kvadrat metr maydonda ichki va tom qismi yonib zararlangan.
Hodisa oqibatida tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.
Yong‘in holatlari
May oxirlarida Surxondaryodagi ikki qavatli savdo do‘konida yong‘in chiqqandi. Undan oldinroq esa Qoraqalpog‘istonning Nukus shahrida joylashgan bozorga qarashli maydonda yong‘in sodir bo‘lgani, Toshkent viloyatida bir-biriga tutash uchta uy yonib ketgani to‘g‘risida xabar berilgandi. Shuningdek, Qarshidagi kafelarning birida yong‘in sodir bo‘lgandi.
Izoh (0)