Ijtimoiy tarmoqlarda Qashqadaryo viloyatining Qarshi shahrida 27-may kuni kafe yonib ketgani aytilgan videolar tarqaldi. Holat yuzasidan viloyat Favqulodda vaziyatlar boshqarmasi ma’lumot berdi.
Ma’lum qilinishicha, soat 21:16 da Qarshi shahar FVBga Qarshi shahri Islom Karimov ko‘chasida joylashgan “Elbro” kafesi yonayotganligi to‘g‘risida xabar kelib tushgan.
Xabarga ko‘ra, Qarshi shahar FVBdan 2 ta yong‘in-qutqaruv bo‘linmasi voqea joyiga jalb qilinib, soat 21:21 larda hodisa joyiga yetib borgan va yong‘inni to‘liq bartaraf etgan.
Yong‘indan fuqaro I.E.ga qarashli kafening 80 metr kvadrat maydonda ichki qismi va oshxona jihozlari zararlangan. Hozirda yong‘in sabablari va zarari aniqlanmoqda.
Izoh (0)