Toshkent viloyati Toshkent tumanida bir-biriga tutash uchta uy yonib ketdi. Bu haqda FVV axborot xizmati xabar berdi.
Unga ko‘ra, 30-may kuni soat 13:59 da Toshkent tumani “Abdurahmonov” MFYda joylashgan bir-biriga tutash qurilgan xonadonlarda yong‘in sodir bo‘lgani to‘g‘risida tuman FVBga xabar tushgan. 9 ta yong‘in-qutqaruv ekipaji soat 14:24 da voqea joyiga yetib borib, yong‘in soat 14:47 da o‘rab olingan va soat 15:15 da o‘chirilgan.
Yong‘in natijasida 3 ta xonadonning taxminan 450 kv/m maydonda tom va ichki jihozlari yonib zararlangan. Hodisa oqibatida tan jarohati olgan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.
Izoh (0)