“Jon Uik” va “Matritsa” filmlari yulduzi Kianu Rivz Dogstar musiqiy guruhiga bass-gitarachi sifatida qayta qo‘shildi. Guruh oxirgi marta 2002-yilda chiqish qilgan. Shundan keyin ijodiy tanaffus e’lon qilgan guruh a’zolari o‘tgan dam olish kuni Kaliforniyadagi Bottlerock festivalida ishtirok etdi.
.jpg)
“Biz yana repertuarimizdagi qo‘shiqlarni ijro etdik, keyin o‘zimizni ushlab turolmadik, kuy bastalashni boshladik. Birga kuy chalishimizni, qo‘shiq yozishimizni, chiqish qilishimizni sog‘indim. Bu har doim menga yetishmagan narsa. Kuy chalishni boshlashimiz bilanoq, bu insonlarga yaxshi, pozitiv kayfiyat berdi va keyin biz bu ishni yana qilishimiz kerakligini o‘yladik”, — deydi Rivz Billboard'ga bergan intervyusida.
Dogstar guruhi 1990-yilning o‘rtalarida tashkil etilgan va ikkita to‘liq metrajli: 1996-yilda Our Little Visionary va 2000-yilda chiqarilgan Happy Ending albomlarini muxlislarga taqdim etgan. Yangi material uchinchi albomni yozib olish uchun yetarli, uning chiqarilish sanasi hali aniq emas. Shuningdek, Rivz Lionsgate’ning “Jon Uik 5” filmiga qaytishi haqida ham ma’lumot berilgan.
Izoh (0)