Toshkent viloyati Parkent tumanida 27-may kuni Spark bilan to‘qnashgan “VAZ-2106” ag‘darilib ketdi. Bu haqda viloyat Yo‘l harakati xavfsizligi boshqarmasi xabar berdi.
Ma’lum qilinishicha, haydovchi K.M. o‘z boshqaruvida bo‘lgan “VAZ-2106”da Parkent—Yangibozor yo‘nalishida harakatlanib ketayotgan bo‘lgan. Bu vaqtda chapga burilish mumkin bo‘lgan joydan burilib olayotgan haydovchi R.D. boshqaruvidagi Spark bilan to‘qnashuv sodir qilgan.
To‘qnashuvdan so‘ng “VAZ-2106” avtoulovi ag‘darilib ketgan. Ushbu yo‘l transport hodisasi oqibatida “VAZ-2106”da bo‘lgan 1989 va 2000-yilda tug‘ilgan ikki nafar yo‘lovchiga Yuqori Chirchiq tuman tibbiyot birlashmasida birinchi tibbiy yordam ko‘rsatilgan. YHXB 4 nafar shaxs vafot etgani haqidagi ma’lumotni rad etgan.
Izoh (0)