La Liga. “Real” Rodrigoning dubli evaziga “Sevilya”dan ustun keldi

Futbol bo‘yicha Ispaniya La Ligasining 37-turida “Real” 27-may, shanba kuni “Sevilya”ga qarshi bahs olib bordi.

Uchrashuvning 3-daqiqasidayoq “Sevilya” hisobni ochdi. Himoyachilardan qaytgan to‘pni Rafa Mir darvozaga joylab qo‘ydi. 28-daqiqada esa Rodrigo jarima zarbasini golga aylantirib, muvozanatni tikladi. Jamoalar tanaffusga 1:1 hisobi bilan yo‘l oldi.

Ikkinchi bo‘limda faollik ko‘rsatgan madridliklar hisobni oldinga chiqib oldi. Bu safar ham Rodrigo ajoyib yurish bilan gol urib, dublni rasmiylashtirdi. 83-daqiqada mezbonlar futbolchisi Markos Akunya qizil kartochka olib, maydonni tark etdi. 

Ushbu g‘alabadan so‘ng “qaymoqranglilar” ochkolarini 77 taga yetkazdi va 3-o‘rindagi “Atletiko” bilan orani uzoqlashtirdi. 

La Liga

37-tur bahsi

27-may, shanba

“Sevilya” – “Real” 1:2

Gollar: 1:0 – 3 Rafa Mir, 1:1 – 29 Rodrigo, 1:2 – 69 Rodrigo.

“Sevilya”: Bunu, Montel, Rekik, Gudel (Bade, 81), Akunya, Rakitich (Suso, 62), Gomes (Oliver Torres, 74), Lamela (Korona, 74), Bueno, Xil (Jordan, 62), Rafa Mir.

“Real Madrid”: Kurtua, Alaba, Militao, Mendi (Rodriges, 66), Modrich, Kroos, Tchuameni, Vaskes (Ryudiger, 81), Sebalyos, Valverde (Kamavinga, 54), Rodrigo (Nacho, 81).

Ogohlantirishlar: Vaskes (33), Tchuameni (65), Nacho (84), Jordan (90), Sebalyos (90+1).