UEFA “Yuventus”ni Yevrokuboklardan chetlatishi mumkin.
La Gazzetta dello Sport nashrining xabar berishicha, gap klubni bir yoki bir necha yilga Yevrokuboklardan chetlatilishi haqida ketmoqda.
Yevropa futbol assotsiatsiyalari ittifoqi “Yuventus”ning Superliga g‘oyasidan voz kechishini kutmoqda.
Undan tashqari turinliklarning yangi rahbariyati UEFA rahbari Aleksander Cheferin bilan aloqaga chiqmayapti. Superliga g‘oyasini ilgari surayotgan “Barselona” prezidenti Xoan Laporta aprel oyida Cheferin bilan suhbatlashish uchun Sloveniyaga borgan.
“Yuventus”ning Yevrokuboklardagi taqdirini hal qiladigan yana bir faktor — klub moliyaviy ayyorliklarga yo‘l qo‘ygani. So‘nggi qarorga ko‘ra, A Seriyada Turin klubidan 10 ochko olib tashlandi va u 7-o‘ringa tushib ketdi.
Shuningdek, “byankonerilar”da moliyaviy feyr-pley qoidalariga rioya qilishga ham muammolar bo‘lgan. “Yuventus” UEFA bilan kelishuvga erishib, dastlabki jarima — 19 milliondan kamroq bo‘lgan 3,5 million yevro to‘ladi. Undan tashqari klubning hisobotida uydirmalar bo‘lishi mumkin.
Ushbu omillarning barchasini hisobga olgan holda Cheferin va uning jamoasi “Yuventus”ning yangi rahbariyatining hech bo‘lmaganda Superliga g‘oyasidan voz kechish borasida passivligidan hayratda. Chunki bu g‘oyani ilgari surgan insonlardan biri Andrea Anyelli hozir klubda ishlamayapti.
Izoh (0)