Bundesliga. “Bavariya” safarda g‘alaba qozondi va Germaniya chempioniga aylandi, “Borussiya D” o‘z maydonida “Mayns”ni yenga olmadi

Futbol bo‘yicha Germaniya Bundesligasining 34-turidan o‘rin olgan o‘yinlar 27-may, shanba kuni bo‘lib o‘tdi.

“Borussiya D” o‘z maydonida “Mayns”ni qabul qildi. Uchrashuvning 15-daqiqasida Hanche-Olsen hisobni ochdi. Oradan uch daqiqa o‘tib, dortmundliklar penalti ishlab oldi. Penaltini noaniq amalga oshirgan Aller hisobni tenglashtirish imkoniyatini qo‘ldan chiqardi. 24-daqiqada esa Karim Onisivo mehmonlarning ikkinchi golini urdi. 

Ikkinchi bo‘limda esa Dortmund jamoasi hisobni qisqartira oldi. 69-daqiqada Rafael Gerreyru o‘z hisobiga gol yozdirib qo‘ydi. O‘yin so‘ngida esa Zyule hisobni tenglashtirdi. Biroq, ushbu gol dortmundliklarga chempionlik uchun yetarli bo‘lmadi. 

“Bavariya” safarda “Kyoln” mehmoni bo‘ldi. Uchrashuvning 8-daqiqasida Kingsli Koman hisobni ochdi. 81-daqiqada Deyan Lyubichich penaltini aniq amalga oshirib, muvozanatni tikladi. 89-daqiqada esa Jamal Musiala myunxenliklarning ikkinchi goliga mualliflik qildi. Yakunda Myunxen klubi 2:1 hisobida zafar quchdi. 

Shu tariqa “Bavariya” ketma-ket 11-marta, o‘z tarixida 33-marta chempionlikni nishonladi. 

34-turdan so‘ng Germaniya chempionati jadvali quyidagicha ko‘rinish oldi: 

Bundesliga

34-tur bahslari

27-may, shanba

“Kyoln” – “Bavariya” 1:2

Gollar: 0:1 – 8 Koman, 1:1 — 81 Lyubichich (penalti), 1:2 — 89 Musiala.

“Kyoln”: Shvebe, Shmits (Huseynbashich, 62), Shabo, Hyubers, Hektor, Kayns (Shindler, 62), Sxiri, Lyubichich (Pedersen, 82), Mayna (Lemperle, 82), Martel, Zelke (Tilmann, 62).

“Bavariya”: Zommer, Pavar, Upamekano, de Ligt, Mazraui (Musiala, 85), Kimmix, Gravenberx (Goretska, 71; Tel, 85), Myuller (Joau Kanselu, 62), Koman (Shupo-Moting, 71), Sane, Gnabri.

Ogohlantirish: Shmits (24).

“Borussiya D” – “Mayns” 2:2

Gollar: 0:1 – 15 Hanche-Olsen, 0:2 – 24 Onisivo, 1:2 – 69 Gerreyru, 2:2 — 90+6 Zyule.

“Borussiya D”: Kobel, Hummels, Zyule, Ryuerson (Modest, 80), Gerreyru, Jan, Brandt (Dyuranvil, 62), Volf (Mukoko, 46), Malen (Reyna, 63), Aller, Adeyemi (Roys, 40).

“Mayns”: Damen, Kasi, Bell, Hanche-Olsen, Fernandesh, Aaron Martin, Kor, Li Chje Son (Ingvartsen, 66), Barreyro, Shtax (Barkok, 80), Onisivo (Mustafa, 90).

Ogohlantirishlar: Gerreyru (40), Fernandesh (71).