Футбол бўйича Испания Ла Лигасининг 37-турида “Реал” 27 май, шанба куни “Севилья”га қарши баҳс олиб борди.

Учрашувнинг 3-дақиқасидаёқ “Севилья” ҳисобни очди. Ҳимоячилардан қайтган тўпни Рафа Мир дарвозага жойлаб қўйди. 28-дақиқада эса Родриго жарима зарбасини голга айлантириб, мувозанатни тиклади. Жамоалар танаффусга 1:1 ҳисоби билан йўл олди.

Иккинчи бўлимда фаоллик кўрсатган мадридликлар ҳисобни олдинга чиқиб олди. Бу сафар ҳам Родриго ажойиб юриш билан гол уриб, дублни расмийлаштирди. 83-дақиқада мезбонлар футболчиси Маркос Акуня қизил карточка олиб, майдонни тарк этди. 

Ушбу ғалабадан сўнг “қаймоқранглилар” очколарини 77 тага етказди ва 3-ўриндаги “Атлетико” билан орани узоқлаштирди. 

Ла Лига

37-тур баҳси

27 май, шанба

“Севилья” – “Реал” 1:2

Голлар: 1:0 – 3 Рафа Мир, 1:1 – 29 Родриго, 1:2 – 69 Родриго.

“Севилья”: Буну, Монтел, Рекик, Гудел (Баде, 81), Акуня, Ракитич (Сусо, 62), Гомес (Оливeр Торрес, 74), Ламела (Корона, 74), Буэно, Хил (Жордан, 62), Рафа Мир.

“Реал Мадрид”: Куртуа, Алаба, Милитао, Менди (Родригес, 66), Модрич, Кроос, Тчуамени, Васкес (Рюдигер, 81), Себальос, Вальверде (Камавинга, 54), Родриго (Начо, 81).

Огоҳлантиришлар: Васкес (33), Тчуамени (65), Начо (84), Жордан (90), Себальос (90+1).