So‘nggi yangiliklar
    • USD 12195.1
    • RUB 126.67
    • EUR 12921.93
    Sport

    Superliga. “Andijon” bir kishi kam bo‘lib o‘ynagan “Turon” ustidan irodali g‘alabaga erishdi, “Metallurg” esa “Bunyodkor” bilan durang o‘ynadi

    6215

    Futbol bo‘yicha O‘zbekiston Superligasining 12-turidan o‘rin olgan ikki o‘yin 27-may, shanba kuni bo‘lib o‘tdi.

    Foto: “Turon”

    “Metallurg” o‘z maydonida “Bunyodkor”ni qabul qildi. Uchrashuvning 17-daqiqasida mezbonlar futbolchisi Damir Temirov penaltini aniq amalga oshirib, hisobni ochdi. Oradan 7 daqiqa o‘tib, Jasur Hakimov ham penaltidan unumli foydalanib, muvozanatni tikladi. O‘yinning qolgan daqiqalarida gol urilmadi va jamoalar durannga imzo chekdi.

    “Metallurg” 8 ochko bilan 11-pog‘onadan joy oldi, “Bunyodkor” esa 16 ochko bilan 6-o‘rinda bormoqda.

    “Andijon” esa “Turon”ga qarshi bahs olib bordi. Uchrashuvning 12-daqiqasida Xurshid Muxtorov penaltidan gol urdi. 34-daqiqada Bilolxon Toshmirzayev qizil kartochka olib, maydonni tark etdi va qolgan daqiqalarda “Turon” bir kishi kam bo‘lib harakat qildi. 77-daqiqada Ilhomjon Alijonov muvozanatni tikladi. Oradan 4 daqiqa o‘tib, Rubin Hebay mezbonlarga g‘alaba keltiruvchi gol muallifiga aylandi. 

    Andijonliklar ushbu g‘alabadan so‘ng ochkolarini 15 taga yetkazib, 7-o‘ringa ko‘tarilib oldi. “Turon” 4 ochko bilan so‘nggi o‘rinda joylashgan.

    Superliga

    12-tur bahslari

    27-may, shanba

    “Metallurg” – “Bunyodkor” 1:1

    Gollar: 1:0 — 17 Damir Temirov (penalti), 1:1 — 24 Jasur Hakimov (penalti)

    “Metallurg”: 12. Aleksandr Lobanov, 4. Kerim Palich, 6. Xudoyshukur Sattorov, 7. Husniddin G‘ofurov, 9. Zabihillo O‘rinboyev, 10. Bektemir Abdumannonov, 11. Damir Temirov, 17. Vladislav Kasminin, 22. Shahzodbek G‘ofurbekov, 91. Marko Obradovich, 97. Muhammadali Aliqulov.

    “Bunyodkor”: 32. Suhrob Sultonov, 2. Aleksey Nosko, 4. Davronjon Ergashev, 6. Avazbek O‘lmasaliyev, 7.Akbarjon Ismatullayev, 8. Shohrux Abdurahmonov, 11. Igor Ivanovich, 15. Jasur Hakimov, 22. Usmonali Ismonaliyev, 33. Doniyor Abdumannopov (5. Jasurbek Yoqubov, 73), 34. Suhrob Izzatov. 

    Ogohlantirishlar: G‘ofurov (44), Abdurahmonov (45+2), Nosko (52), Palich (57), Yoqubov (80).

    “Andijon” – “Turon” 2:1

    Gollar: 0:1 — 12 Xurshidbek Muxtorov (penalti), 1:1 — 77 Ilhom Alijonov, 2:1 — 81 Rubin Hebay.

    “Andijon”: 72. Igor Litovka, 4. Dilshodjon Komilov, 8. Farhodbek Bekmuratov (10. Ilhomjon Abdug‘aniyev, 46), 9. Levan Arveladze, 13. Sardorbek Azimov (88. Nodari Kavtaradze, 63), 14. Abdurahmon Komilov (5. Abdulvohid G‘ulomov, 46), 17. Farhodjon Sohibjonov (19. Suhrob Berdiyev, 75), 26. Muhammadkarim Toirov, 28. Islombek Mamatkazin, 66. Ilhomjon Alijanov (21. Ildar Mamatkazin, 90+3), 99. Rubin Hebay.

    “Turon”: 35. Rahimjon Davronov, 4. Asliddin Toshtemirov (55. Xushnudbek Avilov, 78), 10. Humoyun Murtozayev (11. Shohnazar Norbekov, 46), 14. Xurshidbek Muxtorov, 15. Nikola Kumburovich, 17. Quvondiq Ro‘ziyev (7. Azimjon Ahmedov, 90), 18. Abdug‘ani Kamolov, 21. Azam Aliyev (9. Aziz Ibragimov, 90), 44. Anri Chichinadze, 45. Asadbek Saitxonov (19. Sardor Abduraimov, 84), 77. Bilolxon Toshmirzayev.

    Ogohlantirishlar: Abdurahmon Komilov (21), Anri Chichinadze (22), Rahimjon Davronov (61).

    Chetlatish: Bilolxon Toshmirzayev (34).