“Yuventus”dan yana ochko olib tashlandi. Klub 7-o‘ringa tushib ketdi

Moliyaviy ayyorliklar tufayli Turinning “Yuventus” klubidan 10 ochko olib tashlandi.

Turing klubi Italiya futbol federatsiyasi appelyatsiya sudi tomonidan soxta kapitallarni amalga oshirganlikda ayblanib, jazoga tortildi, deya xabar beradi jurnalist Janluka di Marsio. 

69 ochko jamg‘argan turinliklar A Seriya jadvalida 2-o‘rinda borayotgan edi. Jazo kuchga kirgach, “Yuventus” 7-o‘ringa tushib ketdi. Chempionlar Ligasiga yo‘llanma beruvchi o‘rindan 5 ochko ortda. Jamoa oldida yana 3 ta tur bor. 

Eslatib o‘tamiz, “Yuventus” futbolchilarning transfer narxini oshirib ko‘rsatganlikda, shuningdek, xodimlarning xarajatlari haqidagi ma’lumotlarni va futbolchilar maoshining haqiqiy hajmini yashirganlikda ayblangan. Shu bois 2023-yilning yanvar oyida A Seriya doirasida klubdan 15 ochko olib qo‘yilgandi. Aprel oyida esa jamoaga ochkolar qaytarildi.

Prokuror Juzeppe Chine “keksa sinyora”dan 11 ochko olib tashlanishi va sobiq rahbarlar 8 oyga futboldan chetlatilishini talab qilgandi.