Футбол бўйича ёшлар ўртасидаги Жаҳон чемпионати 2-турида Ўзбекистон U-20 терма жамоаси 23 май куни Янги Зеландияга қарши баҳс олиб борди.
Учрашувни ўзбекистонлик футболчилар қатор ҳужумлар билан бошлади, бироқ биринчи бўлиб гол уриш Янги Зеландия вакилларига насиб этди. 23-дақиқада Бенжамен Уоллес океанияликларни олдинга олиб чиқди.
Шундан кейин Равшан Ҳайдаров шогирдлари яна ҳужумга зўр берди. 41-дақиқада Жей Ҳердман чиройли гол билан ҳисобни ишончли кўринишга келтирди.
Иккинчи бўлим бошидан Ўзбекистон футболчилари олдинга интилди ва бу тезда ўз самарасини берди: 51-дақиқада Аббосбек Файзуллаев ҳисобни қисқартиришга эришди. Ҳакам томонидан қўшиб берилган вақтда Шерзод Эсанов мувозанатни тиклашга эришди.
Шу тариқа Янги Зеландия очколарини 4 тага етказиб олди, Ўзбекистон ҳисобида эса 1 очко бор. Гуруҳнинг кейинги ўйини Аргентина ва Гватемала жамоалари ўртасида кечади.
Ҳайдаров жамоаси 3-турда Гватемалага қарши ўтказади. Ўйин 27 майдан 28 майга ўтар кечаси 02:00 да бошланади.
U-20 ЖЧ—2023
2-тур баҳси
23 май, сешанба
Ўзбекистон U-20 — Янги Зеландия U-20 2:2
Голлар: 0:1 – 23 Уоллес, 0:2 – 41 Ҳердман, 1:2 – 51 Файзуллаев, 2:2 – 90+3 Эсанов.
Ўзбекистон U-20: Отабек Боймуродов, Абдуқодир Ҳусанов, Жаҳонгир Ўрозов, Пўлатхўжа Холдорхонов (Шаҳзод Акрамов, 90+1), Беҳруз Асқаров (Рустам Турдимуродов, 68), Умарали Раҳмоналиев, Зафармурод Абдураҳматов, Аббос Файзуллаев, Диёр Ортиқбоев (Шаҳзод Неъматжонов, 83), Нодир Абдураззоқов (Шерзод Эсанов, 46), Маҳмуд Маҳамаджонов (Саидафзалхон Аҳроров, 68).
Янги Зеландия U-20: Кис Симс, Исак Хьюз, Финн Шурмен , Фин Кончи, Жей Ҳердман, Норман Гарбет, Эвертон Олеари (Жексон Жерви, 46), Ден МакКей, Бенжамен Уоллес (Оливер Фей, 81), Киан Донкерс, Лукас Kelli-Ҳолд.
Огоҳлантиришлар: Раҳмоналиев (10), МакКей (18), Олеари (24), Файзуллаев (86).
Изоҳ (0)