O‘zbekistonlik grossmeyster Nodirbek Abdusattorov (2731) shaxmat bo‘yicha ChessKid Cup—2023 onlayn musobaqasi finaliga yo‘llanma oldi.
Yarim finalda o‘zbekistonlik shaxmatchi AQSH vakili Fabiano Karuanani (2764) 2,5:1,5 hisobida mag‘lub etdi. Ikkinchi yarim finalda niderlandiyalik Yorden van Forest germaniyalik Dmitriy Kollarsni yutdi (2,5:1,5).
Abdusattorov hamda van Forest o‘rtasidagi final bahsi 24-may kuni o‘tkaziladi.
Avvalgi bosqichda Nodirbek fransiyalik Jyul Mussarni mag‘lub etgandi.
Yutqazganlar setkasi 1-bosqichida Alireza Firuzja Hikaru Nakamurani (1,5:0,5), Jyul Mussar esa Aleksandr Shimanovni (2:0) mag‘lub etdi.
Shu tariqa mag‘lublar setkasining chorak finalida Karuana Firuzjaga qarshi dona sursa, Kollars Mussar bilan o‘ynaydi.
Izoh (0)