Tibbiyot va farmatsevtika yo‘nalishlarida O‘zbekistonda Vengriyaning Debresen universiteti filiali ochilishi mumkin. Bu haqda Sog‘liqni saqlash vazirligi axborot xizmati xabar berdi.
Unga ko‘ra, ushbu mamlakat tashqi ishlar vaziri Peter Siyyarto bilan o‘tgan muzokaralar chog‘ida qator muhim ahdlashuvlar, birgalikda ikki mamlakat tibbiyoti uchun manfaatli bo‘lgan takliflar bildirildi. Uchrashuv davomida tibbiyot va farmatsevtika yo‘nalishlarida O‘zbekistonda Debresen universitetining filialini ochish masalasi muhokama qilindi.
Shuningdek, o‘zaro muloqot chog‘ida O‘zbekistonda vengriyalik farmkompaniyalar ishtirokida dori-darmonlar ishlab chiqarish bo‘yicha ham qator masalalar ko‘rib chiqildi.
Muloqot yakunida vazirlar Budapeshtda Vengriya — O‘zbekiston tibbiyot forumini o‘tkazish bo‘yicha kelishuvga erishdi.
Izoh (0)