Toshkent shahar Yunusobod tumanida qurilish firmasi vakillari va shu hududda yashovchi aholi o‘rtasida janjal sodir bo‘ldi. IIBB axborot xizmati holat yuzasidan maʼlumot berdi.
Unga ko‘ra, 17-may kuni taxminan soat 10:00 larda Yunusobod tumani 8-mavzeda qurilish firmasi vakillari va shu hududda yashovchi aholi o‘rtasida mojaro yuzaga kelgan. Ushbu hududda qurilish bo‘lishiga norozilik bildirgan fuqarolarga qarshi 1991-yilda tug‘ilgan F.J., 1992-yilda tug‘ilgan S.X., 1993-yilda tug‘ilgan X.N.lar baqir-chaqir qilib, jamoat tartibini buzgan.
Mazkur holat yuzasidan F.J., S.X., X.N.larga nisbatan Maʼmuriy javobgarlik to‘grisidagi kodeksining 183-moddasi (mayda bezorilik) bilan maʼmuriy bayonnoma rasmiylashtirilgan. Jinoyat ishlari bo‘yicha Yunusobod tumani sudi tomonidan ularga nisbatan 10 sutka maʼmuriy qamoq jazosi tayinlangan.
Izoh (0)