Samarqand shahridagi bog‘chalarning birida tarbiyachi bolalarga psixologik bosim o‘tkazayotgani aniqlandi. Bu haqda viloyat Maktabgacha va maktab taʼlimi boshqarmasi axborot xizmati xabar berdi.
Xabarga ko‘ra, ushbu holat 4-may kuni Samarqand shahridagi 38-davlat maktabgacha taʼlim muassasasida sodir bo‘lgan. DMMTning 2-katta guruhi tarbiyachisi M.Ya. mashg‘ulot paytida hojatxonaga borishni so‘ragan bolaga qo‘pol muomalada bo‘lgan.
Ushbu holat yuzasidan viloyat Maktabgacha va maktab taʼlimi boshqarmasi mutasaddilari psixolog ishtirokida tarbiyachi bilan suhbat o‘tkazilib, pedagogning odob-ahloq qoidalari tushuntirildi va qatʼiy ogohlantirildi.
Shuningdek, unga tashkilot ichki tartib qoidalariga amal qilmagani hamda ish jarayonida kamchiliklarga yo‘l qo‘ygani uchun Mehnat kodeksining tegishli bandlariga ko‘ra intizomiy jazo chorasi qo‘llanildi.
Izoh (0)