Jizzax viloyatida isteʼmolga yaroqsiz deb topilgan qariyb yarim tonna go‘sht mahsulotlari yoqib yuborildi. Bu haqda viloyat IIB axborot xizmati xabar berdi.
Xabarga ko‘ra, 29-mart kuniga o‘tar kechasi soat 00:30 larda Sangzor-15 yo‘l-patrul xizmati maskanida Ichki ishlar organlari xodimlari tomonidan Lacetti to‘xtatilgan. Qashqadaryo—Toshkent yo‘nalishida harakatlanayotgan ushbu mashina yukxonasida 498 kilogramm mol go‘shti borligi aniqlandi. Qashqadaryo viloyati Koson tumani Uzunquduq qishlog‘ida yashovchi haydovchi go‘shtga oid hech qanday hujjatni taqdim etmagan.
Shundan so‘ng mahsulotlar vaqtincha muzxonaga joylashtirilgan. Laboratoriya tekshiruvlari natijalariga ko‘ra, go‘sht isteʼmolga yaroqsiz ekani maʼlum bo‘ldi. Shundan so‘ng qariyb yarim tonnaga yaqin go‘sht yoqib, yo‘q qilindi.
Izoh (0)