Toshkent shahar Yashnobod tumanida fuqarolarni dunyoning turli mamlakatlariga ishga yuborish bilan aldab kelgan firibgar ushlandi. Bu haqda IIV axborot xizmati xabar berdi.
Xabarga ko‘ra, Farg‘ona viloyati, Quvasoy shahrida yashovchi 35 yoshli X.T. ariza bilan murojaat qilib, Telegram orqali “nomaʼlum shaxs” tomonidan uni Shvetsiyaga ishga jo‘natishini aytib, aldov yo‘li bilan bank kartasidan 1 160 000 so‘m pullarini qo‘lga kiritganini aytgan. Ushbu nomaʼlum shaxsga nisbatan qonuniy chora ko‘rishlikni so‘ragan.
O‘tkazilgan tezkor-qidiruv tadbirlari natijasida ushbu jinoyatni Toshkent viloyati, Yashnobod tumanida yashovchi 25 yoshli S.M. sodir etgani aniqlandi. S.M. Telegramʼda “Chet elda ish” nomli guruh ochib, u yerda dunyoning turli mamlakatlariga ishga yuborishni vaʼda qilgan. Fuqarolarning bank kartasiga firibgarlik yo‘li bilan pullarni o‘zlashtirib kelgan.
Jinoyat sodir etgan S.M. Jinoyat kodeksining 168-moddasi (firibgarlik) 3-qismi “v” bandi bilan jinoiy javobgarlikka tortildi. Qonunga muvofiq, S.M. tomonidan sodir etilgan jinoiy harakatlar uchun 5 yildan 8 yilgacha ozodlikdan mahrum qilish jazosi nazarda tutilgan.
Izoh (0)