Kann kinofestivalida “Indiana Jons va taqdir soati” filmining dunyo bo‘ylab premyerasi bo‘lib o‘tdi. Tadbirda filmda bosh rolni ijro etgan aktyor Xarrison Ford ishtirok etdi, u taqdirlash marosimi boshlanishidan oldin faxriy “Oltin palma novdasi” mukofoti bilan taqdirlangan.
Shuningdek, ekranda Fordning uzoq faoliyati davomidagi rollarining bir qismi ko‘rsatilgan. Aktyor jarayondan ta’sirlanib, hamkasblari: rejissor Jeyms Mangold, aktyorlar Fibi Uoller-Brij, Mads Mikkelsen va rafiqasi Kalista Flokxartga minnatdorchilik bildirgan.
“Ko‘pincha shunday deyiladi: bu hayotdan ko‘z yumayotgan paytingizda, butun umringiz ko‘z o‘ngingizdan o‘tadi va u mening ko‘z oldimdan o‘tdi. Men Jim, Fibi, Mads kabi ijodkorlar bilan birga ishlaganimdan mamnunman va bunday sharaf meni juda hayratda qoldirdi”, — deydi 80 yoshli Ford o‘zining nutqida.
Franshizaning beshinchi va oxirgi qismi taniqli arxeolog Indiana Jons haqida hikoya qiladi, u AQSH va SSSR o‘rtasidagi kosmik poygada natsistlarga qarshi kurashadi. Premyeradan so‘ng “Indiana Jons va taqdir soati” tomoshabinlar tomonidan besh daqiqalik olqishlarga sazovor bo‘ldi va tanqidchilar tomonidan iliq kutib olindi.
Izoh (0)