Канн кинофестивалида “Индиана Жонс ва тақдир соати” фильмининг дунё бўйлаб премьераси бўлиб ўтди. Тадбирда фильмда бош ролни ижро этган актёр Харрисон Форд иштирок этди, у тақдирлаш маросими бошланишидан олдин фахрий “Олтин палма новдаси” мукофоти билан тақдирланган.
Шунингдек, экранда Форднинг узоқ фаолияти давомидаги ролларининг бир қисми кўрсатилган. Актёр жараёндан таъсирланиб, ҳамкасблари: режиссёр Жеймс Манголд, актёрлар Фиби Уоллер-Бриж, Мадс Миккелсен ва рафиқаси Калиста Флокхартга миннатдорчилик билдирган.
“Кўпинча шундай дейилади: бу ҳаётдан кўз юмаётган пайтингизда, бутун умрингиз кўз ўнгингиздан ўтади ва у менинг кўз олдимдан ўтди. Мен Жим, Фиби, Мадс каби ижодкорлар билан бирга ишлаганимдан мамнунман ва бундай шараф мени жуда ҳайратда қолдирди”, — дейди 80 ёшли Форд ўзининг нутқида.
Франшизанинг бешинчи ва охирги қисми таниқли археолог Индиана Жонс ҳақида ҳикоя қилади, у АҚШ ва СССР ўртасидаги космик пойгада нацистларга қарши курашади. Премьерадан сўнг “Индиана Жонс ва тақдир соати” томошабинлар томонидан беш дақиқалик олқишларга сазовор бўлди ва танқидчилар томонидан илиқ кутиб олинди.
Изоҳ (0)