Belaruslarning aksariyati mamlakat rahbari Aleksandr Lukashenko rejimini va davlat byurokratiyasini qo‘llab-quvvatlamaydi. Shu bilan birga, elita va razvedka idoralari hayratlanarli darajada unga sodiq. Bunga asosan axborot beruvchilarning keng tizimi orqali erishildi. Xavfsizlik kuchlari yo itoat qilishga yoki sukut saqlashga majbur.
Buyuk Britaniyaning Sky News nashri Belarus prezidentining sog‘lig‘idagi o‘zgarishlar fonida uning vafotidan keyingi vaziyat qanday bo‘lishi mumkinligini prognoz qildi.
“Lukashenkoning vertikal bo‘ysunish liniyasi uzilishi bilan mahalliy elitada turli guruhlar va alyanslar paydo bo‘lishini kutish mumkin”, — deydi nashr mualliflari.
Shu bilan birga, Rossiya, albatta, vaziyatga aralashib, Belarus prezidenti o‘rniga o‘z odamini qo‘yishga harakat qilishi taʼkidlandi.
“Bunga qarshilik ko‘rsatish qiyin bo‘ladi, chunki Lukashenko davrida Belarus asosan iqtisodiyot, xavfsizlik tizimi, pul va huquqiy masalalarda qattiq integratsiya bilan Kremlning vassal davlatiga aylandi”, — deyiladi xabarda.
Biroq belaruslar o‘z suverenitetini yo‘qotishni xohlamaydi, shuning uchun bunga qarshi chiqadigan nufuzli guruhlar paydo bo‘lishi mumkin.
“Lukashenko butun mamlakatni o‘ttiz yil davomida ushlab turgan tizim elitaga ham kirib kelishi mumkin”, — deb yozadi Sky News.
Bundan tashqari, 2020-yilda bo‘lgani kabi, ommaviy tartibsizliklar kuzatilishi mumkinligi prognoz qilingan. Ukrainadagi voqealarni hisobga olsak, Vladimir Putin ommaga qarshilik ko‘rsatish uchun yetarli resursga ega bo‘lmasligi mumkin, deydi jurnalistlar.
Shuning uchun liberallashtirish imkoni mavjud. Ammo rus “bo‘yinturug‘i” sharoitida yangi demokratik rahbariyat paydo bo‘lishi dargumon.
“Muxolifatchi Svetlana Tixanovskaya ozod qilingan barcha siyosiy mahbuslar bilan oq otga minadi. Sovet tarixiga nazar tashlaydigan bo‘lsak, bunday o‘tish vaqt talab etadi, biroq yangi rahbarlar yangi imkoniyatlarni ochishi mumkin, Belarus diktaturadan to‘ygan”, — deydi jurnalistlar.
Izoh (0)