Беларусларнинг аксарияти мамлакат раҳбари Александр Лукашенко режимини ва давлат бюрократиясини қўллаб-қувватламайди. Шу билан бирга, элита ва разведка идоралари ҳайратланарли даражада унга содиқ. Бунга асосан ахборот берувчиларнинг кенг тизими орқали эришилди. Хавфсизлик кучлари ё итоат қилишга ёки сукут сақлашга мажбур.
Буюк Британиянинг Sky News нашри Беларусь президентининг соғлиғидаги ўзгаришлар фонида унинг вафотидан кейинги вазият қандай бўлиши мумкинлигини прогноз қилди.
“Лукашенконинг вертикал бўйсуниш линияси узилиши билан маҳаллий элитада турли гуруҳлар ва альянслар пайдо бўлишини кутиш мумкин”, — дейди нашр муаллифлари.
Шу билан бирга, Россия, албатта, вазиятга аралашиб, Беларусь президенти ўрнига ўз одамини қўйишга ҳаракат қилиши таъкидланди.
“Бунга қаршилик кўрсатиш қийин бўлади, чунки Лукашенко даврида Беларусь асосан иқтисодиёт, хавфсизлик тизими, пул ва ҳуқуқий масалаларда қаттиқ интеграция билан Кремлнинг вассал давлатига айланди”, — дейилади хабарда.
Бироқ беларуслар ўз суверенитетини йўқотишни хоҳламайди, шунинг учун бунга қарши чиқадиган нуфузли гуруҳлар пайдо бўлиши мумкин.
“Лукашенко бутун мамлакатни ўттиз йил давомида ушлаб турган тизим элитага ҳам кириб келиши мумкин”, — деб ёзади Sky News.
Бундан ташқари, 2020 йилда бўлгани каби, оммавий тартибсизликлар кузатилиши мумкинлиги прогноз қилинган. Украинадаги воқеаларни ҳисобга олсак, Владимир Путин оммага қаршилик кўрсатиш учун етарли ресурсга эга бўлмаслиги мумкин, дейди журналистлар.
Шунинг учун либераллаштириш имкони мавжуд. Аммо рус “бўйинтуруғи” шароитида янги демократик раҳбарият пайдо бўлиши даргумон.
“Мухолифатчи Светлана Тихановская озод қилинган барча сиёсий маҳбуслар билан оқ отга минади. Совет тарихига назар ташлайдиган бўлсак, бундай ўтиш вақт талаб этади, бироқ янги раҳбарлар янги имкониятларни очиши мумкин, Беларусь диктатурадан тўйган”, — дейди журналистлар.
Изоҳ (0)