Ras al-Hayma — Forz ko‘rfazi sohillari bo‘yida joylashgan, Birlashgan Arab Amirliklari tarkibidagi kurort shahar. U serquyosh iqlimi, qumli plyajlari, ulkan tog‘-u, bepoyon sahrolari bilan turistlarning diqqat markazida.
Yaqin 20 yil ichida Dubay kabi megapolisga aylanadigan ushbu shaharning sayyohlik jozibasini ommaga ko‘rsatish maqsadida Canaan Travel turagentligi Centrum Air aviakompaniyasi samolyotlarida Ras al-Haymaga infotur uyushtirdi. Sayohat ishtirokchilari 28-apreldan 5-mayga qadar Birlashgan Arab Amirliklarining eng jozibador shaharlaridan birida bo‘lib, uning diqqatga sazovor manzillari bilan tanishdi.
.jpg)
Sayohat ishtirokchilari 28-apreldan 5-mayga qadar Birlashgan Arab Amirliklarining eng jozibador shaharlaridan birida bo‘lib, uning diqqatga sazovor manzillari bilan tanishdi.
Info-tur qatnashchilari Ras al-Hayma aeroportiga qo‘nishi bilanoq dimoqqa yengil, biroz nam, ammo toza havo urildi. Huddi filmlardagidek manzara hosil qilgan sahro o‘rtasidagi yo‘l yoqalab mehmonxona tomon borish barobarida hududning noyob tabiati bilan tanishish ham boshlandi.
Marvarid ovi
Safarning dastlabki manzili dengiz tubidagi chig‘anoqlardan marvarid ajratib olishga ixtisoslashgan “Suvaydi marvaridlari” fermasi bo‘ldi. Ferma ulug‘vor Al-Hajar tog‘ tizmasidagi Al-Rams nomli kichik baliqchilik qishlog‘ida joylashgan bo‘lib, 2004-yilda ilk arab marvarid yetishtiruvchisi Abdulla Rashid al-Suvaydi tomonidan tashkil etilgan. Biologik xilma-xillikka boy va tabiiy go‘zalligi bilan maqtana oladigan bu hududni osoyishtalik o‘chog‘i deyish mumkin.
.jpg)
Ras al-Hayma marvarid sanoati 7 ming yillik tarixga ega. Aynan chig‘anoqlar tufayli amirlik mintaqadagi eng yirik savdo portlaridan biriga aylangan. Sayyohlarni ferma faoliyati bilan tanishtirgan yigitning aytishicha, qadimda, hali mintaqada neft topilmasidan ilgari ham marvarid kemalari chig‘anoq ovlash bilan shug‘ullangan, g‘avvoslar 4 oylab quruqlikka chiqmagan, kemadagi ishchilarning aksariyati nobud bo‘lishi odatiy hol bo‘lgan. Mamlakatda neft konlari aniqlanib, daromad ortgach, bu holat marvarid yetishtirish sohasiga ham o‘zining sezilarli ta’sirini ko‘rsatgan — jarayon ancha sanoatlashgan. Ras al-Haymaning “Amirliklar marvaridi” deb atalishi bejizga emas.
Uch ming yillik qal‘a
Sayohatning ikkinchi manzili BAA hududida saqlanib qolgan yagona tepalik — Dhayah bo‘ldi. Bu qal’a bronza davrida (miloddan avvalgi 1600—1300-yillar) qurilgan bo‘lib, o‘shanda mahalliy o‘troq aholi bu yerdan dushmanlarga qarshi istehkom sifatida foydalangan. Xom g‘ishtdan qurilgan ikki imoratli bino esa XIX asrda qurilgan.
.jpg)
Bu yodgorlik Britaniya bosqini paytida 1819-yilda yuz bergan inglizlar va mahalliy qavosim qabilasi o‘rtasidagi jangga guvoh bo‘lgan. Eng yuqori tepalikka chiqib, keng yalanglikning olis burchaklariga nazar tashlash uchun naq 239 ta zinapoyadan ko‘tarilishga to‘g‘ri keladi.
Ko‘chmanchilar qishlog‘i
Ras al-Hayma sahrosining qoq markazida Bassata badaviylar lageri bor. U yerni cho‘ldagi qishloq deb atashadi. Yovvoyi tuya va eshaklar, akatsiya gullari bilan tanilgan anklav hudud qadimda ko‘chmanchi arab qabilalari qay tarzda hayot kechirganini tushunishga yordam beradi.
.jpg)
Salqin havo, echki junidan tikilgan chodir, baxmal to‘shaklar hamda ekstremal sport turlari: kvadratsikl, tuya poygasi ajoyib uyg‘unlikni aks ettiradi. Post-apokaliptik ruhdagi landshaft, yoqimli arab musiqasi fonida turli tadbirlar, olov o‘yinlari, raqslar, turistlar ishtirokidagi musobaqalar unutilmas onlarni taqdim etadi. “Ming bir kecha” asari voqealari aynan shu hududlarda yuz bergan bo‘lsa ajab emas.
.jpg)
Bundan tashqari, Bassata lagerida haqiqiy arab oshxonasi bilan tanishish, ko‘plab mazali ovqatlardan tatib ko‘rish mumkin. Bu qumtepaliklar ortida hayot qaynaydi.
Arvoh shahar
Al Jazira Al-Hamra (tarjimasi: Qizil orol) — Fors ko‘rfazida to‘liq holatda saqlab qolingan kam sonli tarixiy qishloqlardan biri. U turli dizayndagi keng, ammo tashlandiq uylar, qal’a va qo‘riqlash minoralari, turli maishiy binolar, jumladan, masjidlar qoldiqlaridan tarkib topgan bo‘lib, qariyb 50 yildirki, bu shaharchada muqim yashovchi biror inson yo‘q. 1968-yilda Abu-Dabi amirligiga ommaviy ko‘chish yuz berganidan so‘ng 2,5 ming insonga boshpana bo‘lgan joy qarovsiz qolgan.
.jpg)
Shunga qaramay, hozirda ushbu hudud sayyohlarning diqqatga sazovor joylaridan hisoblanadi. Al-Jazira Al-Hamra YUNESKOning Jahon madaniy merosi ro‘yxatiga kiritilgan. Boisi u — Yaqin Sharqdagi ming yillik klassik me’moriy va shaharsozlik an’analarining yaqqol namunasi.
Ammo ko‘pgina binolar vayronaga aylangan yoki yaroqsiz holga kelgan. Shu sababli xavfsizlik nuqtai nazaridan tashrif buyuruvchilarga imoratlarga chiqmaslik, qorong‘u paytida bu hududda harakatlanmaslik tavsiya qilinadi.
Dunyodagi eng uzun ziplayn
Safar davomida, ayniqsa, adrenalin ulashgan va hayajonli manzillardan biri bu, albatta, ziplayn bo‘ldi. Jais Flight butun dunyodagi eng uzun ziplayn hisoblanadi — 2,83 kilometr. Maxsus vositalar yordamida tog‘ning bir cho‘qqisidan boshqasiga 150 kilometr/soat tezlikda “suzish” akrofobiya (balandlikdan qo‘rqish)ni yengishga yordam beradi. 1680 metr balandlikdagi 3 daqiqa davomida siz o‘zingizni xuddi superqahramondek his qilasiz. Buning zavqini ming marta eshitgandan bir bor his etgan yaxshi.
Tog‘ chanasi
Ziplayn joylashgan hududda, ya’ni Al-Hajar tog‘ tizmasida temir relslar orqali pastga qarab osib chiqilgan yo‘lak mavjud. Unga o‘rnatilgan o‘rindiq orqali yuqoridan pastga qarab panorama shaklida aylanib tushish bir qarashda juda qo‘rqinchlidek tuyuladi, ammo hech qanday xavf yo‘q — barchasi qo‘lda boshqariladi, istalgan payt tezlikni pasaytirishingiz mumkin. Soatiga 40 kilometrgacha tezlikda 1840 metrlik egri chiqizlarni bosib o‘tish jarayoni taxminan sakkiz daqiqani oladi.
Chanalarga bir kishi ham, ikki kishi ham minishi mumkin. Qo‘lingizda tormoz bo‘ladi, o‘zingiz esa o‘rindiqqa kamar yordamida mahkamlanasiz. Instruktorning ko‘rsatmasidan so‘ng shitob bilan pastga tushib borar ekansiz, tanangizdagi adrenalinni bevosita his qilasiz.
Xavfsizlik nuqtai narazidan ziplayn hamda tog‘ chanasidan uchish paytida telefondan foydalanishga ruxsat berilmaydi. Ammo internetda bu zavqli jarayonlar aks etgan videolavhalarni topish mushkul emas.
Xulosa
Safar davomida shunga amin bo‘ldikki, BAA, shuningdek, neft zaxiralari topilgan boshqa Fors ko‘rfazi davlatlari turizm sohasiga juda katta investitsiya kiritmoqda. Baland binolar qurish o‘z yo‘liga, mamlakatning tarixiy qadamjolari, go‘zal tabiatiga ham e’tibor qaratilyapti. Buning ortidan hozir Ras al-Hayma sayyohlarning sevimli maskaniga aylanib ulgurgan. Boisi Dubay, Abu-Dabi kabi megapolislar odamlar bilan gavjum bo‘lsa, bu shahar ayni dam olishga mo‘ljallangan — “tinch, sokin, mazza: asablar dam oladi”.
Agar oilaviy dam olishni mo‘ljallayotgan bo‘lsangiz, Ras al-Hayma sizni kutmoqda. Hamyonbop narxlar, yuqori sifatga ega Canaan Travel tur agentligi barcha qulayliklarni o‘z ichiga olgan (all inclusive) turlarni taklif etadi.
- Sayt: https://canaan.uz/
- Telegram: https://t.me/canaan_uz/
- Instagram: https://instagram.com/canaan.uz/
- Telefon: +998-78-888-07-40
Agar O‘zbekistonning turli hududlari yoki xorijga uchish maqsadida aviachiptalar izlayotgan bo‘lsangiz, Centrum Air qanotlaridan foydalaning.
- Sayt: https://centrum-air.com/
- Instagram: https://www.instagram.com/centrumair/
- Telefon: +998-55-518-88-88
Ma’lumotlar sheriklik huquqi asosida tayyorlandi
Izoh (0)